Wednesday 1 February 2012

امتى؟





امتى هيرجع دمنا غالي، ده احنا يا ناس بني أدمين
خسرنا أرواح غلابة يامة ، شيخ و مينا و لسة مُخربين
شُهدائنا وصلو للآلاف، وانتو لسة على كنبكو متقرفصين
طب حبة دم و حساسه يا اخونا، ده احنا بنهتف للساكتين  

امتى هتصحو للعبة قديمة، بايخة، مهروسة من سنين
غزلها عسكر يموت ولا يسيب ملك فرعون اللعين 
لعبة حريتك،كرامتك و عرضك، ولا "أمن و إستقرار" بس مُزيفين 
طب احنا فوقنا،و ثورنا، و قلنا محناش لعبين   

امتى هيعلا صوتكم في الميادين 
و نبقى أيد واحده ضد كل ظالم، أفاق ، أثيم
احنا داير كعوبنا حالفين، من غير حرية محناش راجعين 
طب أما نجيبها بدمنا، هتنزلو تحتفلو معانا بأنهي عين؟

No comments:

Post a Comment